Kryeministri Edi Rama e cilësoi një epokë të re për zhvillimin e turizmit këtë sezon, që siç tha erdhi në sajë të investimeve të qeverisë në infrastrukturë.
Sipas tij, një rol të rëndësishëm në këtë fluks turistësh ka pasur edhe aeroporti i Rinasit dhe investimi i bërë nga koncesionari në këtë portë hyrëse në vend.
Rama u shpreh se me këtë ritëm, Rinasi konkurron dhe pritet të kapërcejë aeroportin e Beogradit, që është më i madhi në rajon, për numrin e pasagjerëve këtë vit.
“Jemi konkurrues me aeroportin e Beogradit, që është me traditë shumë më të gjatë, por mund ta kapërcejmë në numër pasagjerësh këtë vit. Kemi shumë besim se me futjen e aeroportit të Vlorës do të kemi një bum të konsiderueshëm të numrit të turistëve. Edhe pse aeroporti i Tiranës punon 24 orë dhe ka 200 fluturime në ditë mundësitë janë më tepër”, tha Rama.