Presidenti i Federatës së Futbollit të Spanjës, Luis Rubiales është pezulluar nga “të gjitha aktivitetet e lidhura me futbollin në nivel kombëtar dhe ndërkombëtar” për një periudhë fillestare prej 90 ditësh, kështu vendosi sot Komiteti Disiplinor i FIFA-s
Rubiales, 46 vjeç, puthi në buzë sulmuesen Jenni Hermoso pas fitores 1-0 të Spanjës ndaj Anglisë. Pas këtij “incidenti” ai refuzoi të jepte dorëheqjen e kërkuar nga Federata e Futbollit të Spanjës por dhe nga zyrtarë të qeverisë spanjolle.
“Nuk do të jap dorëheqjen, nuk do të jap dorëheqjen”, tha ai në asamblenë e përgjithshme të jashtëzakonshme të thirrur nga federata. “Po bëhet një atentat social”.
Rubiales megjithatë kërkoi falje për puthjen përpara se FIFA, organi drejtues i futbollit botëror, të hapte procedimin disiplinor kundër tij të enjten.
Top Channel
