Ish-lojtari legjendar gjerman, Paul Breitner u tall keq me transferimin e futbollistit brazilian Neymar në Arabinë Saudite.
Ish-asi i Bayern Munichut dhe Real Madridit është i kënaqur që braziliani është larguar nga futbolli evropian, përcjell lajmi.net.
Neymar u largua këtë verë nga Paris Saint-Germain pas gjashtë vitesh dhe nënshkroi kontratë me Al Hilal nga Arabia Saudite.
Largimi i tij në futbollin saudit u pasua me kritika të shumta, por askush nuk ishte aq i ashpër sa legjendari Paul Breitner.
“Të dashur saudit, faleminderit që keni blerë zotin Neymar, i cili është një nga lojtarët më të gabuar në botë në vitet e fundit. Një nga futbollistët e mëdhenj që vetëm aktron”, tha Breitner, njoftojnë mediat e huaja.
“Është një mikrob mashtrues. Faleminderit që nuk duhet ta duroj më”, shtoi gjermani duke festuar largimin e Neymar nga PSG./Lajmi.net/
