Në moshën 86- vjeçare ka ndërruar jetë shkrimtari i njohur njëherë edhe anëtari i Akademisë së Shkencave në Shqipëri, Bahri Beci.
Beci ka shërbyer gjithashtu edhe si anëtarë i jashtëm i Akademisë së Shkencave e Arteve të Kosovës.
Njoftimin për vdekjen e tij e ka dhënë i biri i tij, i cili ka shkruar:
Të dashur miq,
Me dhembje e hidhërim ju njoftojmë që babai ynë, Bahri Beci, ndërroi jetë.
Faleminderit babë për kujtimet e bukura e emrin e mirë që na le, për këshillat e urtësinë tënde, për konsistencën e racionalitetin tënd, për arsyetimin e shembullin me të cilin na udhëhoqe e na bëre krenarë.
Ditën e martë, homazhet do të mbahen në Akademinë e Shkencave, në orën 9:00-11:30, ndërsa përcjellja e fundit për në varrezat e Sharrës në orën 12:00.
Pritjet do të bëhen të martën, 22 gusht në orën 17:00-20:00, e më pas të mërkurën dhe të enjten në oraret 9:00-13:00 dhe 17:00-20:00 në Hotel Sheraton.
Entela dhe Beneti.