Një ari në Kaliforni u kap nga Departamenti i Kafshëve të Egra pasi hyri me forcë në të paktën 21 banesa, duke i dëmtuar ato.
Sulmet ariu i bëri gjatë një periudhe një vjeçare ndërsa u zbulua pas kryerjes së analizave të AND-së nga ana e autoriteteve.
Kafsha e mbiquajtur nga vendasit dhe me emrin “Hank the Tank”, sipas AFP, u kap pasi ishte kthyer në një shqetësim të madh për banorët të cilët e shihnin dhe si rrezik për jetën.
Ariu së bashku me katër këlyshët e saj prej vitit 2022 hynte në shtëpi të ndryshme dhe përveçse merrte ushqim dëmtonte dhe orenditë shtëpiake e më pas largohej. Pas kapjes autoritetet e transportuan ariun drejt një strehe kafshësh në Kolorado ndërsa këlyshët u transferuan drejt një zone tjetër.
Top Channel