Të paktën pesë persona u vranë, pasi raketat ruse goditën ndërtesat e banimi në qytetin lindor të Ukrainës, Pokrovsk.
Katër civilë dhe një zyrtar humbën jetën, ndërsa 31 persona u plagosën, tha ministri i brendshëm Ihor Klymenko.
Në vendngjarje vazhdon puna e ekipeve të shpëtimit. Sipas zyrtarëve, raketat kanë dëmtuar edhe një hotel, dyqane dhe ndërtesa administrative.
Pokrovsk shtrihet rreth 70 km në veri-perëndim të qytetit Donetsk, që është i pushtuar nga forcat ruse.
Rusia po sulmon godinat e banimit, tha presidenti Vololdymyr Zelensky, ndërsa publikoi videon e një ndërtesë pesë katëshe të shkatërruar dhe civilëve që heqin rrënojat, ndërsa u kërkoi banorëve të strehohen.
Një ditë më parë, u sulmua një qendër transfuzioni gjaku në Ukrainën verilindore, duke vrarë dy persona, sipas zyrtarëve ukrainas.
Top Channel
