Sot më 01.08.2023 me dhimbje të thellë pranuam lajmin e hidhur të ndërimit jetë të alimit, hafizit, profesorit të mirënjohur të trevave tona dhe të Ballkanit H. Hfz. Bajram ef. Ajeti nga Likova e Kumanovës.
BFI e RMV dhe gjithë muslimanët humbën personalitetin e palodhshëm, i cili dha kontribut të pashlyeshëm në sfera të ndryshme të shpjegimit të Islamit edhe ate: si imam në Likovë, muhafidh i një numri të madh të hafidhëve, mësimdhënës në FSHI në Shkup, Universitetin e Novi Pazarit, pjesmarës në gara Kur’anore botërore, anëtarë i komisioneve të garave ndërkombëtare dhe shumë aktivitete të ndryshme, shkurt thënë simbol i Islamit në këtë nënqiell. Me angazhimin e tij dëshmoi se është simbol i alimit- dijetarit i të gjithë muslimanëve të vendit tonë dhe muslimanëve të Ballkanit
Në këto momente të dhimbjes së madhe të familjes dhe muslimanëve në emër të BFI e RMV, organeve të saja dhe në emër të Reisul Ulemas të BFI në RMV H. Hfz. Shaqir ef. Fetait familjes dhe të gjithë besimtarëve ju shpreh ngushëllimet e thella me lutje Allahut Fuqiplotë t’ju jep durim të paluhatshëm, ndërsa merhumit t’i falë xhennetin e amshueshën.
REISUL ULEMA I BFI në RMV
H.HFZ. SHAQIR EF. FETAI
