Dronët ukrainas sulmuan Moskën herët të dielën, por nuk pati viktima, tha kryebashkiaku Sergey Sobyanin.
Përmes një mesazhi në Telegram, Sobyanin shtoi se pjesa e jashtme e dy ndërtesave të zyrave në qytet ishin “pak të dëmtuara por nuk ka viktima”.
Agjencia shtetërore ruse e lajmeve TASS raportoi se dy drone u përfshinë në sulm dhe më pas u rrëzuan në perëndim të rajonit të Moskës, duke cituar agjencitë e zbatimit.
Ukraina nuk ka komentuar ende. Pamjet e publikuara nga TASS duket se tregojnë dëmtime në dritaret e një ndërtese të lartë. Ndërtesa ndodhet në rrethin Presnensky në Moskë dhe përdoret nga Ministria e Zhvillimit Dixhital, Komunikimit dhe Masmedias së Rusisë.
Ministria ruse e mbrojtjes gjithashtu pretendoi se një tjetër dron u shkatërrua mbi distriktin jugperëndimor të Moskës, Odintsovo.
Top Channel