Zjarret në Itali vijojnë të përpijnë gjithçka, ku së fundmi ka marrë flakë vendgrumbullimin i mbetjeve në Palermo të Siçilisë.
Zjarrfikësit po vijojnë punën intensive për të marrë situatën në kontroll, por ende nuk është përmirësuar situata.
Italia, një nga vendet e prekura nga dy ekstremitete të motit, përfshirë stuhitë dhe zjarret masive, ka shënuar pesë viktima, situatë e cila mund të detyrojnë qeverinë të shpallë gjendjen e jashtëzakonshme në rajonet më të goditura.
Si pasojë e vatrave të zjarrit pasojat mbeten të rënda. Ekipet në terren deklaruan se situata ishte shumë serioze.
Vala e të nxehtit vijon ende të prekë vendin me temperatura deri në 47.6 gradë Celsius të regjistruara në Siçili.
Tre viktimat që humbën jetën nga zjarret u gjetën të djegur në shtëpitë e tyre. Aeroporti i Palermos u mbyll menjëherë pas njoftimit, deri në një vendim të dytë.
Departamenti i Mbrojtjes Civile e Italisë raportoi për zjarre masive në të gjithë jugun, teksa ekipet vijojnë punën në terren.
Top Channel
