Ministri i Punëve të Brendshme, Xhelal Sveçla, ka pritur në takim shefin e ri të EULEX-it në Kosovë, Giovanni Pietro Barbano, të cilit i ka uruar mirëseardhje dhe e ka përgëzuar për detyrën e re.
Sipas njoftimit të ministrisë, me këtë rast Sveçla i ka bërë një rezyme të përgjithshme angazhimeve të tija si ministër dhe prioriteteve të MPB-së e të Qeverisë së Kosovës, sa i përket luftimit të krimit të organizuar si dhe sundimit të rendit e ligjit në Kosovë.
“Në këtë takim u diskutua për bashkëpunimin në mes të institucioneve dhe kishte dakordim në mes të dy palëve, që ky bashkëpunim i mirë mes Ministrisë së Punëve të Brendshme dhe EULEX-it, të vazhdojë edhe në të ardhmen”, thuhet në komunikatën për media.