Zyra e Prokurorit të Përgjithshëm të Ukrainës deklaron se 11 ushtarakë rusë janë vendosur nën hetim nga autoritetet vendase pasi dyshohet se kanë qëlluar 6 civilë brenda makinave të tyre në rrethin Buchansk të Kievit.
Burrat, të cilët ishin pjesë e Brigadës së 37-të të Pushkave të Motorizuara të Ushtrisë së 36-të të Armëve të Kombinuara, janë “njoftuar në mungesë për dyshimin e shkeljes së ligjeve të luftës”, thuhet në Telegram.
Autoritetet ukrainase pretendojnë se ushtarët e armatosur me armë zjarri dhe pajisje ushtarake, lëvizën nëpër qytet me automjete të blinduara, duke hapur zjarr ndaj dy makinave civile. Njerëzit brenda makinave po përpiqeshin të largoheshin nga zona e luftimit nëpërmjet një autostrade me lëvizje të shumta në atë kohë dhe “nuk kishin asnjë shenjë” se i përkisnin forcave ukrainase.
“Kur makinat ndaluan, personeli ushtarak i vendit agresor hapi zjarr ndaj tyre me armë të lehta pa paralajmërim”, thuhet në njoftim. “Si rezultat i granatimeve, gjashtë civilë vdiqën nga plagët me armë zjarri.”
Top Channel