Pas zgjedhjeve të sotme në BDI, me ç’rast u bënë edhe emërime, Bujar Osmani, duke u zgjedhur nënkryetar i këtij subjekti politik, ka falënderuar duke cekur se është thellësisht i nderuar.
Z. Osmani ka shprehur edhe një mirënjohje, duke cekur se është mirënjohës “për bindjen e mentorit tim politik, Kryetarit Ali Ahmeti, se të bashkuar do t’ia dalim t’ju japim udhë sfidave që na presin për të mirën e përgjithshme”.
Postimi i plotë:
Jam thellësisht i nderuar për besimin që të jem nënkryetar i Bashkimit Demokratik për Integrim! Mirënjohës për votimin nga Këshilli i Përgjithshëm! Mirënjohës për bindjen e mentorit tim politik, Kryetarit Ali Ahmeti, se të bashkuar do t’ia dalim t’ju japim udhë sfidave që na presin për të mirën e përgjithshme!
Na priftë e mbara!
