Jennifer Lopez dhe Ben Affleck befasuan fansat dhe miqtë e tyre të famshëm kur njoftuan se u martuan në fshehtësi në Las Vegas, pikërisht një vit më parë.
Çifti festuan vitin e parë të martesës duke shijuar një vakt në Beverly Hills me tre fëmijët e tyre. Menjëherë pas kësaj, Affleck mori Lopez, binjakët e saj 16-vjeçarë Emme dhe Max, dhe djalin Samuel, 11 vjeç, për një xhiro me Ford Bronco-n e tij të vjetër blu të ndezur.
Affleck është gjithashtu baba i vajzave Violet, 17-vjeçe, dhe Seraphina, 14-vjeçe, nga martesa e tij e mëparshme me ish-gruan Jennifer Garner.
Lopez dhe Affleck u takuan në xhirimet e filmit Gigli në vitin 2002. Në atë kohë, ajo ishte ende e martuar me burrin e saj të dytë, Cris Judd, përpara se të ndaheshin dhe divorcoheshin në vitin 2003.
Superylli i muzikës dhe aktori filluan të takoheshin dhe u fejuan menjëherë pas kësaj. Në janar 2004, çifti u divorcua dhe jetuan të ndarë për gati dy dekada.
Në vitin 2021, çifti ringjalli romancën e tyre pasi Lopez u nda nga ish-lojtari i MLB, Alex Rodriguez.