Kryeministrit i Holandës Mark Rutte ka dhënë dorëheqjen, teksa qeveria e tij u rrëzua të premten pas krizës që pësoi koalicioni katër-partiak me përplasjen për emigracionin.
Rutte dhe qeveria e tij do të qëndrojnë në detyrë deri në vendosjen e qeverisë së ri. Në vend pritet të mbahen zgjedhjet e përgjithshme brenda vitit.
“Nuk është sekret që partnerët e koalicionit kanë pikëpamje shumë të ndryshme për politikën e migracionit. Për fat të keq, dalim në përfundimin se këto dallime janë të papajtueshme. Kjo është arsyeja që do t’i ofroj menjëherë mbretin dorëheqjen e të gjithë kabinetit qeverisës”, tha Rutte para gazetarëve.
Ligjvënësit e opozitës nuk humbën kohë duke kërkuar zgjedhje të reja, madje përpara se Rutte të konfirmonte zyrtarisht dorëheqjen e tij.
Rutte kishte kryesuar takimet e natës vonë të mërkurën dhe të enjten që nuk rezultuan në një
Takimet e gjata deri natën vonë për të negociuar një marrëveshje mbi politikën e migracionit rezultuan pa efekt për Rutte. Në raundin e fundit të bisedimeve të premten, palët vendosën unanimisht se nuk mund të bien dakord dhe koalicioni nuk mund të vazhdojë më.
Në fakt, që nga dita kur koalicioni bëri betimin 18 muaj më parë, partitë kishin kundërshtime të forta për çështjen e emigracionit.
Top Channel
