Ka ndërruar jetë 6-vjeçarja Leila Kurti e cila u plagos në një aksident rrugor në periferi të Bolonjës më 14 qershor, teksa ishte në makinë me prindërit dhe motrën e saj katërvjeçare, duke ardhur në Shqipëri për të marrë pjesë në një dasmë.
Vogëlushja, pas 18 ditësh qëndrimi në reanimacionin e spitalit Maggiore në Bolonja ndërroi jetë mëngjesin e djeshëm.
Nga aksidenti mamaja dhe motra katër vjeçare mbetën të padëmtuara ndërsa babai pësoi disa fraktura, njoftojnë mediat italiane. Makina me të cilën po udhëtonin u përplas me forcë nga pas nga një makinë tjetër.
