E konfrimon policia për RTV21, plagoset një person te “Kafet e Vogla” në Prishtinë
Një person është plagosur me armë zjarri sot rreth orës 21: 30 në rrugën “Fehmi Agani” në Prishtinë .
Lajmin për portalin rtv21.tv e konfirmoi zëdhënsi i policisë për Rajonin e Prishtinës, Agron Borovci.
“I njejti është dërguar në QKUK për trajtimin e nevojshëm mjekësor. Ndërlidhur me rastin është gjetur edhe një armë zjarri ndërkohë që policia po vijon punën me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe lokalizimin e të dyshuarve të implikuar në rast.”, tha ai.