Kombëtarja shqiptare mori dy fitore radhazi, duke mundur Moldavinë dhe Ishujt Faroe. Dy suksese që e fusin totalisht Shqipërinë në shinat e pretendimeve për një vend në Euro 2024. Trajneri Sylvinho, përmes një postimi në Instagram, thotë se kjo është rezultat i gjithë grupit. “Këto kanë qenë ditë intensive dhe shumë produktive pune e përgatitjeje për dy ndeshjet. Ky grumbullim na ndihmoi për të njohur grupin e lojtarëve më në detaje dhe të ushqenim akoma më shumë lidhjen tonë të mrekullueshme. Rezultati ishte dy fitore, me numra të rëndësishëm. Unë jam i bindur se e gjitha kjo ishte rezultat i punës në grup: lojtarë, staf teknik, punonjës dhe drejtues të Federatës Shqiptare të Futbollit, si dhe fansat, të cilët na inkurajuan shumë në fushën tonë dhe na dhanë një energji të mirë për ndeshjen e dytë. Ecim përpara. Forca Shqipëri! – shkruan Sylvinho.