Përcjellja e grupit të tretë e nijetlinjëve për haxh
Sot më 16.06.2023 (e premte), në orët e hershme të mëngjesit në Objektin për Shërbime Fetare dhe Sociale, grupi i tretë i nijetlinjëve për haxh bashkë me Myftiun, kolegët e Myftinisë dhe udhëheqësit e haxhit u nisën për në Aeroportin e Shkupit.
Para nisjes për në Aeroport, haxhinjtë falën namazin e sabahut ku priu referenti për arsim fetar, hfz. Abdurahim ef. Murati. Pas faljes sa namazit u bë edhe duaja haxhit nga ish Myftiu, Alifekri ef. Esati.
Më pas Myftiu i Tetovës i përshëndeti të gjithë haxhinjtë dhe ua bëri përhajr nijetin për Haxh, duke lutur Allahun Fuqiplotë t’ju jep shëndet, fuqi, sabër e t’ua mundësojë që me një lehtësim ta kryejnë këtë ibadet dhe të kthehen me haxh të pranuar!
Nisja e haxhinjëve për në Aeroportin e Shkupit u bë me dy autobusa të organizuar nga Myftinia e Tetovës!
Myftinia e Tetovës të gjithë haxhinjëve u dëshiron rrugë të mbarë duke lutur Allahun Fuqiplotë të kthehen shëdoshë e mirë e me haxh të pranuar!
