Qeveria shqiptare ka shkarkuar Safet Gjicin nga detyra e kryebashkiakut të Kukësit pas publikimit të videoskandalit erotik.
“Sot këshilli i ministrave mori një vendim për shkarkimin e menjëhershëm për kryetarin e bashkisë së Kukësit”, tha ministrja e Financave Delinda Ibrahimaj gjatë deklaratës për media.
Në reagimin e tij Safet Gjici shkruan se ka qenë një kurth i parapërgatitur nga kundërshtarët politikë. Në video ai shfaqej në zyrën e tij në Bashkinë e Kukësit duke kryer marrëdhënie seksuale me një vajzë.
