Jose Mourinho po vlerësohet si një kandidat i mundshëm për pozitën e trajnerit te Al-Hilal.
“FootMercato” ka raportuar se drejtuesit e këtij klubi janë të përgatitur t’i ofrojnë portugezit një kontratë mjaft fitimprurëse.
Gjithashtu, te klubi më i trofeshëm në Azi janë të gatshëm ta lejojnë atë të formojë skuadrën duke sugjeruar lojtarë që ai dëshiron të sjellë në klub
Javën e ardhshme thuhet se është planifikuar të zhvillohet një takim në Londër mes pronarit të Al-Hilal, Walid Moaz, dhe Mourinhos.
60-vjeçari ka kontratë të vlefshme me Romën deri në fund të sezonit të ardhshëm.
Së fundmi u raportua se klubi nga kryeqyteti italian ka nisur bisedimet e para me Mourinhon për rinovim të kontratës – por, ende nuk ka asgjë konkrete.
/BotaSot/