Në sheshin “Adem Jashari” të Mitrovicës së Veriut ka ndodhur një shpërthim në orët e para të mëngjesit, ku si pasojë janë dëmtuar xhamat e dy kafiterive dhe një dyqani.
Këtë për RTV21 e konfirmoi zëdhënësi i policisë për rajonin e Mitrovicës, Avni Zahiti.
“Rreth orës 03:20, është raportuar se në sheshin ” Adem Jashari” si pasojë e një shpërthimi janë dëmtuar xhamat e dy kafiterive dhe një dyqani”, thuhet në përgjigjen e Zahitit.
Përveç dëmeve materiale, nuk raportohet për të lënduar.
Rasti tani është në procedurë hetimore nga Policia e Kosovës. /21Media
The post Eksplodim në Mitrovicë, dëmtohen tri objekte first appeared on TV21.