Objektivi i Manchester United, Gabri Veiga, raportohet se do të largohet nga skuadra spanjolle Celta Vigo këtë verë.
21-vjeçari ka shijuar një sezon të mrekullueshëm me Celta Vigon, duke shënuar nëntë gola dhe duke bërë katër asistime në 39 ndeshje të zhvilluara në La Ligë.
Sipas medieve spanjolle, Veiga është i hapur për të shqyrtuar të gjitha ofertat që vijnë në adresë të tij. Ylli i Celta Vigos thuhet se dëshiron të luajë në një klub më të madh.
Siç raportohet, Manchester United, Man City dhe Chelsea, janë duke e monitoruar spanjollin.
Mesfushori i talentuar ka klauzolë blerjeje në kontratën e tij rreth 34 milionë funte.
/BotaSot/
