Presidenti i Kroacisë, Zoran Milanoviq, ka thënë se Serbia duhet ta pranojë që Kosova është e pavarur.Ai ka komentuar situatën në veri të Kosovës derisa ka theksuar se duhet ndaluar së përsërituri “Kosova është Serbi”.
“Jo vëlla, është punë e kryer”, ka deklaruar ai.
Ai ka thënë se fatkeqësisht disa shtete anëtare të Bashkimit Evropian ende nuk e kanë pranuar pavarësinë e Kosovës.
“Serbia duhet të kuptojë dhe të pranojë se Kosova është e pavarur. Fatkeqësisht, kjo nuk është pranuar nga disa anëtarë të tjerë të Bashkimit Evropian”, ka thënë ai, raporton Index.hr.
Ai ka deklaruar se në samitin e NATO-s vitin e kaluar, ai u ka bërë thirrje vendeve evropiane të cilat nuk e kanë njohur Kosovën që ta bëjnë këtë.
“Por kjo është si të flasësh me një mur. Disa vende nuk e kanë njohur sepse kanë frikë nga precedentë që përfundimisht, në një moment krize, mund të zbatohen në vendet e tyre dhe t’u merret diçka”, ka thënë ai.
