Të mërkurën luhen tri ndeshje të rëndësishme në Pallatin e Rinisë dhe Sportit në Prishtinë.
Fillimisht prej orës 16:00 takohen juniorët e Prishtinës dhe Trepçës.
Për shkak të rezultateve 34:33 dhe 33:34 mes këtyre dy skuadrave, sipas propozicioneve të garave për grupmoshat e reja, luhet ndeshja e tretë për të përcaktuar pozitën e parë në grup.
Ndërkohë prej orës 18:00 dhe orës 20:00 janë dy ndeshjet e barazhit për vendin në Superligë.
Në fakt ndeshjet është dashur të luhen të shtunën në Shtime, por për çështje teknike janë shtyrë për të mërkurën.
Nga ora 18:00 takohen hendbollistet e Vëllaznimit dhe ato të KEK-ut. Vëllaznimi u rendit i shtati në Superligë, ndërsa KEK-u ishte i dyti në Ligën e Parë.
Skuadra që shënon fitore, paraqitet në Superligë në edicionin e ardhshëm garues. Nga Liga e Parë në Superligë ka kaluar tashmë Ulpiana.
Prej orës 20:00 është takimi i barazhit te hendbollistët: Vëllaznimi – Samadrexha. Vëllaznimi i Gjakovës ishte i shtati në Superligë, ndërsa Samadrexha e dyta në Ligën e Parë. Prej Ligës së Parë në Superligë tashmë ka kaluar Drita e Gjilanit.
/BotaSot/