Klubi anglez, Chelsea është e interesuar për portierin e Interit, Andre Onana.
‘Blutë’ e Londrës pas një sezoni të ‘dështuar’ tashmë janë në ndërtim të një skuadre të denjë për edicionin e ardhshëm.
Sipas medieve italiane, Chelsea është e gatshme të paguajë 50 milionë euro për ‘gardianin’ e Interit, Onana-n, të cilin londinezët duan të transferojnë gjatë kësaj verë.
Onana nga menaxheri i ardhshëm i Chelseas, Mauricio Pochettino, është prioritet i teknikut argjentinas. Pochettino thuhet se preferon atë para Kepa Arrizabalaga dhe Edouard Mendy.
Onana po bën një sezon të madh me skuadrën e Simone Inzaghit, e cila më 10 qershor do të përballet me Manchester Cityn në finalen e madhe të Ligës së Kampionëve.
/BotaSot/