Është koha për të kthyer faqen për Milanin, pas eliminimit të dhimbshëm në Champions League.
Për trajnerin Stefano Pioli është detyra e ngutshme për ta bërë skuadrën të reagojë në ndeshjet e fundit të kampionatit, për të provuar të fitojë një vend në Ligën e Kampionëve të sezonit të ardhshëm, duke filluar me ndeshjen kundër Sampdorias:
“Pësuam një zhgënjim të fortë, – tha trajneri kuqezi në konferencë për shtyp.
Tani jemi të përgatitur për të bërë mirë nesër. Jemi prapa në kampionat, fokusi është te ndeshja e nesërme.
E vetmja gjë që duhet të bëjmë është të fitojmë kundër Sampdorias”.
Mendimet kthehen në Ligën e Kampionëve, ku kuqezinjtë u eliminuan në gjysmëfinale nga Interi, pas euro-derbit të dyfishtë:
“Ndeshja e parë bëri diferencën, por nuk ka kuptim të shikojmë prapa”.
/BotaSot/