Një grua u vra sot në Elbasan nga burri i motrës së saj.
44-vjeçarja Alma Qevani ndërroi jetë në spital nga plagët që mori nga sëpata me të cilën e qëlloi Tefik Tashi, 58-vjeç.
Raportohet se shkak kanë qenë motivet e dobëta pasi kunata e kishte ofenduar te gruaja e tij. Pas këtij sulmi autori është larguar më vrap në tentativë për tu fshehur, por policia mundi ta lokalizojë në zonë ku arrestimi u krye në flagrancë.
Fqinjët e të afërmit e viktimës dhe autorit kanë treguar më shumë hollësi lidhur me rrethanat e krimit të rëndë.
“U dëgjova zhurmë dhe gruaja kërkoi ujë, ndihmë. Dola unë dhe i çova ujë, ia lash tek porta. Erdhi e mori vetë. Nuk shkova atje afër, ajo kishte gjak në fytyrë. Më thirri një grua në dritare e më tha: E theri.
Ishin goca të mira, nuk përziheshin,” thonë ato.
Gjatë momenti të ndalimit ai në dorë mbante edhe sëpatën më të cilën kreu krimin. Autori Tefik Tashi u dërgua në komisariat, ndërsa u morën në pyetje dëshmitarët për të zbardhur ngjarjen.
