Zv. ministri i Arsimit, Agim Nuhiu, ka vlerësuar lart shkollat dhe arsimin, gjatë një vizite në Kërçovë, në shkollën “Rexhë Rushit Zajazi”.
Të qenit pranë nxënësve, mësuesve, stafit të shkollës dhe prindërve të fëmijëve përfaqëson sfidën e vërtetë të politikbërjes në arsim, ka theksuar z. Nuhiu.
Postimi i plotë i tij:
Shkollat janë pasuria më e madhe që kemi dhe ne i përgëzojmë mësuesit dhe nxënësit për punën dhe të arriturat në shkollën “Rexhë Rushit Zajazi” të Kërçovës për faktin se edhe kjo shkollë bartë vlera dhe standarte evropiane në procesin edukativo – arsimor! Shprehëm respekt dhe mirënjohje për Kryetarin e Kërçovës z. Dehari, administratën e komunës, udhëheqësinë e shkollës, mësuesit dhe nxënësit për të arriturat në fushën e arsimit! Të qenit pranë nxënësve, mësuesve, stafit të shkollës dhe prindërve të fëmijëve përfaqëson sfidën e vërtetë të politikbërjes në arsim! Nxënësit kanë nevojë për përcjellje, përkujdesje, dashuri…!
