Shkon në 10 numri i viktimave nga vrasja masive e 3 majit në Shkollën Fillore “Vlladisllav Ribnikar” në Beograd, përcjell TV21. Ministria e Shëndetësisë në Serbi mëngjesin e sotëm ka bërë të ditur se ka ndërruar jetë edhe vajza e cila po trajtohej në në Klinikën universitare të fëmijëve në Tirshova. Vajza kishte lëndime serioze në kokë, ndërsa ndërroi jetë edhe krahas intervenimit kirurgjikal dhe të gjitha masave të ndërmarra për mjekim intensiv.
Ministrja e Shëndetësisë, Danica Grujiçiq në emër të saj dhe në emër të Ministrisë së Shëndetësisë ka shprehur ngushëllime për familjen e vajzës. Vrasja masive në Beograd u bë nga një nxënës i kësaj shkolle, me iniciale K. K. (13). Nga gjithsej 10 të vrarët, 9 janë nxënës, ndërsa njëri është roja e shkollës.
