Tensionohet situata në Himarë. Kandidati i koaliconit “Bashkë Fitojmë” për Bashkinë e Himarës, Fredi Beleri, ka përmbysur rezultatin në kutitë e fundit që janë në numërim.
Sipas të dhënave të KQZ ai kryeson me 2571 vota ose 50.66 %. Nga ana tjetër, kandidati i PS-së, Jorgo Goro ka 2504 vota ose 49.34 %. Beleri ndodhet në burg pasi u arrestua dy ditë para zgjedhjeve për blerje të votave. Kjo solli reagime të ashpra edhe nga ana e Greqisë duke qenë se Beleri është anëtar i komunitetit grek.
