Kryeministri Edi Rama i shoqëruar edhe nga bashkëshortja e tij Linda Rama kanë ushtruar të drejtën e tyre të votës në ambientet e shkollës në Surrel.
Pasi shprehu të drejtën e votës, kryeministri Rama u ndal në një prononcim për mediat, ku i bëri thirrje qytetarëve që të votojnë.
“Besoj janë thënë të gjitha ato që duheshin thënë. Tani është momenti që qytetarët të thonë fjalën e tyre. Uroj shumë që situata e krijuar nga KQZ të mos ketë ndikuar në dekurajimin e atyre që kanë shkuar të votojnë qysh në fillim në ato zona ku nuk punuan aparaturat dhe që të gjithë ata që mund të jenë dekurajuar, të rikthehen që vullneti të shkojë i plotë në të gjithë territorin e shqipërisë, për kandidatët dhe këshillat bashkiakë.”, tha Rama.