Sirena gjermane për Ante Rebic.
Kroati ka dhënë fare pak për Milanin gjatë këtij sezoni.
Vetëm 3 gola dhe 2 asiste në Serie A, ndërkohë që në Bundesliga e kërkon Wolfsburgu.
“Ujqit” po bëjnë mirë dhe janë në garë për kualifikimin në Europa League për sezonin e ardhshëm.
Trajneri i Wolfsburgut, Niko Kovac është personi që po insiston për të siguruar shërbimet e bashkëpatriotit të tij.
Kovac ka punuar e fituar me Rebic tek Eintracht Frankfurt dhe shpreson të ritakohet me të, tashmë te Wolfsburgu.
Drejtuesit e klubit gjerman po përgatisin një ofertë për homologët e Milanit. Rebic ka kontratë me kuqezinjtë deri në verën e vitit 2025.
/BotaSot/