Klubi i Basketbollit, Trepça ka njoftuar se nesër (e mërkurë) dalin në shitje biletat për ndeshjen e parë finale ndaj KB Pejës.
Skuadra mitrovicas e pret atë pejane, në ndeshjen e cila do të zhvillohet në palestrën sportive “Minatori” në Mitrovicë.
Biletat do të dalin në shitje në orën 11:00, teksa një person ka të drejtën e blerjes së dy biletave.
“Në vendin e kristaleve, në shtëpinë tuaj e tonën, në “Minatorin”
e zjarrtë…luajmë ndeshjen e parë finale të Play-off-it
Të mërkurën prej orës 20:00 përballemi me Pejën, me synim për ta bërë hapin e parë drejt titullit të kampionit
Biletat dalin në shitje në ora 11:00 te dyqani zyrtar i klubit. Një person ka të drejtën e blerjes së dy biletave
Dyert hapen në ora 18:30 dhe mbyllen në ora 19:45.
Ju lutemi që të respektohet orari. Pas orës 19:45 dyert do të jenë të mbyllura”, njofton KB Trepça.
/BotaSot/