Në prezencën e presidentes së Republikës së Kosovës Vjosa Osmani Kadriu dhe bijës së presidentit historik Ibrahim Rugova, Teutës, së bashku me kryetarin e Komunës së Çairit Visar Ganiu, ambasadorëve dhe shumë miqve, sot shpalosëm emrin e rrugës Ibrahim Rugova.
Historia nuk i harron emrat e shquar, emrat e atyre që veprat nuk ju vdesin edhe kur ata të kenë kaluar në botën e amshimit!
Shqiptarët e Maqedonisë së Veriut presidentin historik e përkujtojnë gjithmonë me nder, e tani e tutje edhe me emërimin e kësaj rruge e cila është vetëm një nga veprat që mundemi t’i bëjmë në shenjë përkujtimi dhe falënderimi për madhështinë e kontributit të tij si president i Kosovës!
Kjo ditë historike u përcjell me një vazhdë aktivitetesh në Çarshinë e Vjetër të Shkupit, sheshin Skënderbeu dhe gjithashtu para bustit të Hasan Prishtinës.
