Sipas të dhënave të Entit Shtetëror për Statistika, të punësuarit në sektorin e programimit kompjuterik kanë pagat më të larta në Maqedoni, gjegjësisht në muajin shkurt kanë marrë paga mbi 90.000 denarë.
Në sektorin “programim kompjuterik, këshillim dhe aktivitete të ndërlidhura”, paga mesatare neto e paguar në muajin shkurt ishte 91.730 denarë, ndërsa të punësuarit në sektorin “veprimtari të tjera profesionale, shkencore dhe teknike” kanë marrë pagë prej 66.969 denarë
Pas tyre vijnë të punësuarit në sektorin “Transporti ajror”, ku paga mesatare mujore neto në shkurt arriti në 63,734 denarë, ndërsa në pozitën e katërt janë të punësuarit në “Telekomunikacion”, të cilët gjatë muajit shkurt kishin pagë mesatare neto prej 54,676 denarë.
