Sulmuesi i PSG dhe Kombëtares së Brazilit, Neymar jr. duket se këtë herë e ka seriozisht. Pas shumë lidhjeve dhe “zgjidhjeve” me femra të ndryshme, të njohura e të panjohura, “O Ney” duket se ka gjetur “paqen” me modelen Bruna Biancardi.
Kjo e fundit ka shpërndarë në Instagram një postim me format e ndryshuara të barkut për shkak të shtatëzanisë ndërsa përkrah saj është i fejuari, momentalisht me pushime për shkak të një dëmtimi të rëndë që e detyroi të mbyllte sezonin përpara kohe. Të dy kanë dhënë lajmin ku portugezja 28-vjeçare shkruan:
“Ne ëndërrojmë për jetën tënde dhe po planifikojmë ardhjen tënde në jetë duke e ditur se lindja do ta kompletojë e bëjë më të lumtur jetën tonë”.
Neymar është baba i një djali 11-vjeçar të quajtur Davi Lucca të cilin e ka sjellë në jetë ish e dashura e tij Carolina Dantas në kohën kur sulmuesi ishte vetëm 19 vjeç.
