Me ndryshimin e stinëve, por sidomos në pranverë kur dhe lulëzojnë bimët, ndeshemi me fenomenin e alergjive. Çdo njeri mund të ketë apo të zhvillojë një alergji, që nga i porsalinduri e deri tek i rrituri. Bimët janë përgjithësisht përgjegjëse për alergjitë ndaj poleneve, dhe alergjitë janë të ndryshme pasi ka një shumëllojshmëri bimësh.
Më poshtë disa ushqime për të reduktuar simptomat:
Shafran i Indisë
Shafrani i Indisë është një erëz me veti të rëndësishme anti-inflamatore dhe antioksidante. Studimet kanë treguar efektivitetin e tij në reduktimin e simptomave të alergjisë nga bari.
Hudhra
Hudhra mund të ndihmojë në reduktimin e ashpërsisë së simptomave dhe zbutjen e inflamacionit duke çliruar histaminën (neutransmetues) nga qelizat mast.
Salmon
Salmoni është një peshk i yndyrshëm i pasur me Omega-3 që ndihmojnë në zbutjen e simptomave të zakonshme të alergjisë si sytë e fryrë dhe kruarjen e fytit. Këshilla e ekspertëve është ta konsumoni të freskët sepse nivelet e histaminës janë më të ulëta. Peshq të tjerë të pasur me yndyrna Omega-3 janë skumbri dhe sardela.
Qepë e kuqe
Qepët e kuqe ndihmojnë në lehtësimin e atyre që vuajnë nga alergjitë e polenit dhe pluhurit.
Manaferrat
Manaferrat përmbajnë antioksidantë dhe vitaminë C, e cila ndihmon në mbajtjen e niveleve të histaminës në trup në një nivel të tolerueshëm, duke reduktuar kështu rrezikun e lotimit të syve dhe kruajtjes së fytit.
Kefir
Kefiri është një derivat qumështi që mund të merret përmes një pije ose smoothie. Ai është i pasur me probiotikë( mikro-organizma të dobishem për organizmin tonë) që ndihmojnë në ruajtjen e ekuilibrit të baktereve të dobishme që popullojnë zorrët.
Ananasi
Ananasi është një aleat i vlefshëm shëndetësor në këtë periudhë të veçantë të vitit. Ky frut përmban një enzimë, bromelain, e cila mund të sigurojë lehtësim nga kruajtjet e syve ose të zvogëlojë rhinorrhoea-n (rrjedhjen e hundës). Përdorni ananasin si meze të lehtë gjatë ditës, në mëngjes ose gjatë vakteve.
Xhenxhefil
Xhenxhefili është një ushqim i njohur si një anti-inflamator natyral. Ai pengon lirimin e histaminës nga disa qeliza. Ju mund të shtoni xhenxhefil në çaj ose ujë ose ta përdorni si bazë për shumë pjata të shijshme.
Lakra
Lakra është një perime e pasur me karotenoidë, Ato pengojnë lirimin e histaminës, duke ndihmuar në luftimin e simptomave të tilla si rhinorrhea dhe kruarja e syve.