Portugalia është i vetmi vend në botë ku gjyqtarët e futbollit mund t’u tregojnë lojtarëve një karton të bardhë për lojën e ndershme dhe ajo synon ta shtyjë këtë masë edukative në futbollin profesionist në nivel ndërkombëtar.
Në vitin 2014, Plani Kombëtar për Etikën në Sport (PNED), një organizatë kombëtare që vepron në kuadër të Institutit Portugez për Sportin dhe Rininë, prezantoi një karton të bardhë në kampionatet e moshave.
“Unë shoh një të ardhme të suksesshme për kartonin e bardhë”, thotë Jose Lima, koordinator i PNED.
“Është një kartë revolucionare nga pikëpamja pedagogjike.
Ajo nxjerr në pah më të mirat në sport”, shton ai në një intervistë.
Gjyqtari, përveç kartonit të verdhë dhe të kuq për gabime ose sjellje josportive, mund t’u tregojë lojtarëve një karton të bardhë për sjellje pozitive gjatë lojës.
/BotaSot/
