Kryetari i BDI-së, Ali Ahmeti në Akademi në përkujtimore kushtuar studentit, dëshmorit të kombit, Alban Ajeti, ai tha se gjeneratat duhet ta dinë se lirinë që e shijojnë është për shkak se është derdhur gjaku i rinisë.
“Ai ëndrrat i kishte më të mëdha se si të jetojë në tokën e arbërit në tokën që dështi të jetë i lirë me dinjitet. Më bëri përshtypje poezia e tij për nënë. Mos më qajë, i drejtohet nënës së vet, mos më qaj se kam vdekur. Prandaj nëna e Albanit, si Albani ka studentë e çlirimtar, që saherë ajo t’i kujtojë këto çlirimtarë le ta dinë se ka studentë që dalin nga universitetet që e kanë nënë edhe nënën e Alban Ajetit”, tha Ali Ahmeti.
Në prani të Kryeministrit të Kosovës, Albin Kurti, familjarëve dhe bashkëluftëtarëve të dëshmorit të kombit, Alban Ajeti, evokuam sot me krenari kujtimet mbi atdhedashurinë e tij, vrullin djaloshar dhe gjurmët e përjetshme që Albani i la në shërbim të lirisë së Kosovës në përvjetorin e 24-të të rënies së tij heroike.
U bëmë bashkë për ta kujtuar pikërisht në Universitetin e Tetovës sepse këtu do të vijonte studimet deri në çastin kur jehoi kushtrimi për lirinë e atdheut, thirrje të cilës Albani i rritur dhe i edukuar në një familje me taban kombëtar nuk mund të mos i përgjigjej.
Bashkë me shokë u bë pjesë e UÇK-së dhe mori diplomën më të shenjtë, atë të dëshmorit të kombit. Nderoi familjen dhe shokët e idealit që ruajnë me krenari kujtimin për të.
Lavdi e përjetshme Alban Ajetit dhe të gjjthë të rënëve për lirinë e Kosovës, ka shkruar mes tjerave Ahmeti.
