Gjykata Themelore në Prishtinë l ka vendosur për një muaj paraburgim për tre të dyshuarit për sulmues ndaj gazetarit Valon Syla.
Ndaj të pandehurve L.D., K.H. dhe O.H. rëndon akuza për veprën penale “Nxitja e përçarjes dhe mos durimit”.
“Gjyqtari i Procedurës Paraprake kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurve L.D, K.H dhe O.H, e ka aprovuar si të bazuar dhe të njëjtëve iu ka caktuar masën e paraburgimit në kohëzgjatje prej 1 muaji, për secilin”, njoftoi gjykata.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.
Policia e Kosovës arrestoi, të mërkurën në mbrëmje, tre personat që dyshohet se sulmuan fizikisht një natë më herët, gazetarin, Valon Syla. Ky i fundit pas lëndimeve të marra mori trajtim mjekësor në QKUK>
Arrijnë në Gjykatë tre të dyshuarit për sulmin ndaj Valon Sylës
Tre të dyshuarit për sulmin ndaj gazetarit Valon Syla janë sjellë në Pallatin e Drejtësisë.
Prokuroria Speciale e Republikës së Kosovës (PSRK), ka paraqitur kërkesë për caktimin e masës së paraburgimit ndaj tyre për veprën penale ‘’Nxitja e përçarjes dhe urrejtjes’’.
Ata të mërkurën u arrestuan për sulmin ndaj Sylës, që ndodhi të martën mbrëma në Prishtinë.
Ndaj tre personave që janë të dyshuar për sulmin, rëndohet akuza e kryerjes së veprës penale “Nxitje e përçarjes dhe mosdurimit” si dhe ceket fakti se rasti po hetohet nga Drejtoria Kundër Terrorizmit.
