Kryeministri Edi Rama ka shprehur ngushëllime për sulmin terrorist në Izrael dhe dënon autorët që kanë shkaktuar edhe humbje jete.
Në një reagim në Twitter, Rama shkruan se Shqipëria qëndron e vendosur me Izraelin dhe të gjithë fqinjët e tij myslimanë që kanë zgjedhur rrugën e paqes dhe bashkëpunimit
“Jemi thellësisht të pikëlluar nga sulmet pa dallim ndaj Izraelit që kanë rezultuar në humbje jetësh dhe dënojmë me forcë autorët dhe mbështetësit e tyre. Shqipëria qëndron e vendosur me Izraelin dhe të gjithë fqinjët e tij myslimanë që kanë zgjedhur rrugën e paqes dhe bashkëpunimit”, shkruan Rama.
We are deeply saddened by the indiscriminate attacks on Israel that have resulted in loss of life, and we strongly condemn the perpetrators and their supporters. Albania stands firm with Israel and all its Muslim neighbours that have chosen the path of peace and cooperation.
— Edi Rama (@ediramaal) April 8, 2023
Një turist italian humbi jetën dhe shtatë persona të tjerë u plagosën në atë që dyshohet se ka qenë një përplasje e qëllimshme me makinë pranë një plazhi në Tel Aviv. Ministria e jashtme italiane njoftoi se Izraeli ka identifikuar viktimën si 36 vjeçarin Alessandro Parini. Në mesin e të lënduarve është edhe një Italian tjetër si dhe tre shtetas britanikë.
Top Channel
