Ministrja e mbrojtjes Olta Xhaçka u thirr nga SPAK për të folur mbi pronat e ushtrisë, një çështje e denoncuar nga ish ushtarakë të lartë prej 2021.
Për gati një orë funksionarja e lartë dha qëndrimin e saj në cilësinë e personit që ka dijeni për rrethanat. SPAK nuk dha informacion mbi pyetjen e ministres e cila ndryshe nga radha e parë, shmangu dhënien e detajeve për mediat.
Midis shumë çështjeve për ushtrinë që po trajtohen nga prokurorët e posaçëm, kallëzimi për portin e Limioinit u dorëzua nga gjenerali Artur Mecollari.
Ne cilësinë e ish zv.komandantit të Flotës Detare, Mecollari e akuzon Xhaçkën dhe ish-shefin e shtabit Bardhyl Kollcakun për shpërdorim detyre, mashtrim dhe korrupsion.
Sipas Mecollarit, funksionarët anashkaluan flotën detare gjatë procedurave për dhënien me qera të pronës së ushtrisë në Sarandë .
Top Channel
