Nënkryetari i BDI-së, Izet Mexhiti ka reaguar ndaj deklaratës së Bujar Osmanit i cili para disa ditëve tha se nuk është tani momenti që të hiqet 20% në Kushtetutë. Mexhiti tha se pikërisht tani është momenti, pasi kushtetuta nuk mund të hapet vazhdimisht dhe nuk mund të sigurohet numër i duhur i deputetëve. Ai tha se deklarata e Osmanit nuk është qëndrim i gjithë BDI-së pasi nuk është diskutuar në parti. Madje kjo deklaratë është në kundërshtim edhe me deklaratat e vetë kreut të partisë, Ali Ahmeti.
Sa i përket 20% ka pasur deklaratë publike edhe të z. Ahmetit se duhet kur të hapet kushtetuta të hiqet sepse është nënçmuese për shqiptarët. Nuk e di për cilën arsye para disa ditëve kënd e ka konsultuar Bujari, në kryesi qendrore nuk është debatuar që thirret dhe thotë se duhet të vijë një moment tjetër që të hapet kushtetuta, por Kushtetua nuk hapet çdo ditë. Nuk e kemi lehtë që pas mbylljes së kësaj të hapet sërish pasi do të duhet dy të tretat dhe 80 deputetë prandaj vlerësojmë që duhet kësaj radhe, sepse përveç që i kontribuojmë integrimit, futjes së bullgarëve, ta shfrytëzojmë këtë rast që të hiqet një padrejtësi ndaj shqiptarëve dhe e shoh se për këtë ka reflektim edhe tek pala maqedonase”, deklaroi Izet Mexhiti, nënkryetar i BDI-së.