Përfshirja e Monika Kryemadhit, ish-kryetare e LSI, në financime dhe pagesa të dyshimta nga kompani off shore të kontrolluara nga biznesmenë rusë të naftës ka qenë çështje diskutimi mbrëmjen e kësaj të hëne në “Top Story”.
I pyetur për këtë çështje, avokati Spartak Ngjela është shprehur se rrjedhja e këtyre informacioneve ka ardhur me leje të Uashingtonit, pasi sipas tij këto të dhëna kanë qenë në dorë të inteligjencës amerikane dhe askujt tjetër.
Duke akuzuar Kryemadhin për shitje të interesit kombëtar, Ngjela pyet: A kishte Rusia simpati për LSI apo bëhet fjalë për shtrirje të influencës në Ballkan?
Pjesë nga debate:
Ngjela: Në këto moment konstatoj se është hedhur në sulm politika amerikane, sepse këto i ka pasur FBI-ja si informacione, askush tjetër.
Duma: Ti e shikon këtë si një veprim të FBI-së?
Ngjela: Ose të shërbimeve të tjera amerikane, por ka një gjë… Ushingtoni është në këtë mes sepse është Rusia. Bëhet fjalë për ndikimin në Ballkan. A kishte Rusia simpati për LSI?
Unë kam qenë i pari që e kam denoncuar këto lidhje, e mbani mend? Por nuk kam para filxhanin e kafesë apo gjera të tjera si këto…
Duma: Shumë pyesin nga i keni gjithë këto infiormacione avokat?
Nga profesioni zonjë. Unë nuk kam lidhje me politikën dhe vetëm një herë e kam takuar ambasadoren amerikane, por gjithçka e nuhas prej profesionit.
Top Channel
