Pamjet nga Ohri më 18 Mars 2023, që në mëngjes, ishin pamje madhështore dhe do të mbeten pamje historike!
Udhëheqësi i popullit shqiptar Ali Ahmeti e priti në Ohër, vëllaun e tij nga Kosova, Kryeministrin e Kosovës Albin Kurti!
Momente të tilla epike, të takimit të udhëheqësve të një gjaku e të një gjuhe, pritja dhe përqafimi vëllazëror, historia lavdimadhe e popullit shqiptar, do t’i mbajë të pashlyera në memorien e kombit!
I tërë planeti njerëzor ishte i fokusuar atë ditë në Ohër, ku do të mbahej dialogu në mes Kosovës dhe Serbisë, për normalizim të raporteve Kosovë – Serbi!
Përshëndetja e ngrohtë dhe vëllazërore, kuvendimi i burrave të mëdhenj të kombit Ahmeti – Kurti, përbëjnë prototipin e fotografive më të arrira të shekullit të ri shqiptar, ato fotografi që u shpërndanë e që e pushtuan tërë botën, përquan mesazhin e madh të parë dhe unik, për unitet të popullit shqiptar në Maqedoni të Veriut, në Kosovë, në Shqipëri, në Mal të zi e në Luginë të Preshevës!
Ish – Kryeqyteti i Bullgarisë, qyteti i Ohrit në Maqedoninë e Veriut, më 18 Mars 2023 ishte arena e madhe gladiatore ndërkombëtare e Kosovës dhe Serbisë, që për një çast e kishte lënë nën hije edhe luftën Rusi-Ukrainë!
Pas përfundimit të takimit kokë me kokë me Udhëheqësin e popullit shqiptar, me vëllaun e Tij Ali Ahmetin, Kryeministri i Republikës së Kosovës Albin Kurti, morri mbështetjen e Tij vëllazërore, me mesazhin e madh e historik se:
“…Dëgjoje Ameriken, se Amerika kurdoherë që na ka përkrahur, gjithmonë mirë na ka dalur…”!
Pritja që rezervoi në Ohër Ali Ahmeti për Albin Kurtin!
Qëndrimi i Ali Ahmetit tërë ditën në Ohër, në ambientet ku mbahej dialogu Kosovë – Serbi, intervistat e Tij për agjensitë e ndryshme botërore të lajmeve në mbeshtetje e në përkrahje të delegacionit të Kosovës, që kryesohej nga Kryeministri i Kurti dhe në fund në orët e vona të mbrëmjes prezenca e Tij, gjatë konfirmimit të rezultateve të bisedimeve dhe arritja e marrveshjes, ishte edhe maratona embrionale e udhëheqjës së të mdhenjëve!
Të tilla pamje sikur takimi Ali Ahmeti – Albin Kurti në Ohër, nuk i ofrohen shpesh historisë, ato janë e mbeten të rralla, por ato gjithmonë e ushqejnë të ardhmen e rrugës së ndritur të kombit tonë!
Të gjithë duhet ta dijnë, se Ali Ahmeti e Albin Kurti me takimin e tyre para fillimit të dialogut Kosovë – Serbi në Ohër, bënë histori!
Prandaj të gjithë njerëzit e penës, të politikës e gazetarisë, të artit e të kulturës, të historisë, të shkencës por edhe të fushave të ndryshme, duhet të shkruajnë për këtë eveniment të madh kombëtar e ndërkombëtar!
Ismet Sylejmani,
Prishtinë, 21 Mars 2023!
