Ismet Hajrullahu, ish-drejtor i Institutit për Mbrojtjen e Monumenteve ka reaguar pas marrëveshjes në mes palës kosovare dhe asaj serbe.
Me këtë marrëveshje, Hajrullahu ka thënë se përfundimisht legjitimohet vjedhja që i është bërë trashëgimisë sonë kulturore nga Serbia, përcjell Insjaderi.
Sipas tij, me këtë marrëveshje nënkuptohet se shqiptarët janë ardhacakë në këto hapësira.
Postimi i plotë pa ndërhyrje:
Me marrëveshjen e Ohrit mes kryeministrit të Kosoves Albin Kurti dhe presidentit serb, Vuçiç përfundimisht legjitimohet vjedhja që i është bërë trashëgimisë sonë kulturore nga shteti serb ! Them kështu, pasi kishat , manastiret dhe çdo objekt tjetër kulti ,pa marrë parasysh se të cilës përkatësi fetare janë , përcaktohen varësisht nga religjioni dhe vendi që i takojnë. Me një fjalë, me këtë marrveshje , na lë për të kuptuar ,se shqiptarët janë ardhacakë në këto hapësira ! Me legjitimimin e vjedhjes së trashëgimisë kulturore, përfundimisht ne jemi populli i vetëm në Evropë,pa trashëgimi kulturore arkitekturore! Në fakt, neve na mbeten ca kulla të shekullit XVIII e këtej!
Me një fjalë, kryemistri Kurti i këshilluar nga ministri i kulturës Hajrulla Çeku, legjitimoi teorinë e Grashaninit! Tani kësaj qeverie i ka mbetur të legalizojë edhe teorinë TIKA-s turke ,se “Kosova është shqiptarizuar në vitin 1992, e sidomos pas luftës së UÇK-së”!