Dy nga miqtë më të mirë të Luiz Ejllit, Jon Ndoja dhe Mario Deda, ishin të ftuar mëngjesin e sotëm në “Wake Up”.
Ata kanë shprehur maksimalisht mbështetjen që kanë për mikun e tyre dhe për lojën që ai po bën brenda “Big Brother VIP” dhe pak javë më parë ata i bënë atij edhe një surprizë brenda shtëpisë.
Si ka qenë përjetimi juaj pasi takuat Luizin?
Joni: Kur u futëm në shtëpi, nuk kishim shumë emocione por kur erdhi Luizi ndryshoi gjithçka. Pamë një njeri të madh para nesh, ishte rritur, kishte marrë një hije të rëndë. E kisha frikë edhe unë, imagjino ata të shtëpisë.
Mario: Figura, adrenalina dhe energjia që kishte, e kishte shumë të dallueshme. Dukej sikur e kishte lëkurën dy gisht të trashë. Kur na u duk neve kështu, imagjino kur hyn një konkurrent i ri.
Si ka ndryshuar jeta juaj pas takimit me të?
Joni: Ka patur reagim, na njohin, kemi marrë një farë kënaqësie. Por ne për Luizin e bëjmë këtë. Madje na kanë thënë futuni në “Big Brother VIP 3”.
E prisnit që Luizi do bëhej kaq i famshëm?
Mario: Se sa është përmasa nuk e dimë ende se nuk ka statistika. Luizi ka fituar “Ethet” dikur dhe ka qenë orar prime time, ka fituar edhe disa festivale, ka shkuar në Eurovizion. Atij nuk i ndodh rastësisht kjo.
Si e shohin miqtë e tij marrëdhënien e këngëtarit me Kiarën dhe lojën e tij? Ja si përgjigjet Mario:
Raporti që ata kanë është zgjedhja e tyre. Ne e shohim shumë bukur për sa kohë që ai është i lumtur, ka gjetur një partnere që e ruan, e tërheq ndonjëherë. Është bukur kur ai e mbron, e dashuron ashtu. Ne na shkruajnë njerëzit, kanë lënë punët e tyre për t’u marrë me “BBV” dhe Luizin. Ky është efekti I Luizit, nuk është rastësi. Ai e ka nivelin e inteligjencës shumë të lartë.
Ju ka thënë ndonjëherë se si do e përdori ai këtë eksperiencë pasi të dalë jashtë?
Joni: Më ka thënë një javë para se të hynte që do ta shtynte sa më shumë që të rifitojë edhe njëherë popullaritetin dhe t’i kthehet muzikës. Por me këtë që i ka ndodhur aty brenda, ai mund të merret me shumë gjëra të tjera.
Po lidhur me situatën e krijuar pasi ai tha se vuante nga një sëmundje e rëndë, çfarë mund të thonë Joni dhe Mario?
Joni: Nuk kam dëgjuar që është i sëmurë, mendoj se ka qenë një moment dobësie. Produksioni nuk mban njerëz të sëmurë brenda, Luizi gëzon shëndet të plotë. Ai e ka thënë që ka bërë gafë të madhe.
Mario: Dikush jashtë e ka fituar “Big Brother” sepse ka thënë që ka një sëmundje të pashërueshme…
A ka thënë Luizi që do të shkojë të jetojë tek familja e tij në Amerikë?
Joni: E ka pasur një variant. Ai është në procedurë për bashkim familjar. Por mendoj se me këtë që i ka ndodhur ndoahta ndryshon.
Çfarë keni për t’i thënë të gjithëve atyre fansave të Luizit që nuk e pëlqejnë Kiarën?
Joni: Unë shoh një konfirmim të Luizit vazhdimisht, sa herë që njerëzit e dyshojnë, ai e rikonfirmon dashurinë që ka për Kiarën. Ai ka treguar që lë edhe lojën për të. Nga njëra anë kanë të drejtë sepse kanë parë disa veprime që nuk u pëlqejnë, por ne duhet të besojmë Luizin.
Mario: Mos ndikoni në jetën e tjetrit, ajo është jeta e tij. Nëse ju pëlqen Luizi, vazhdojmë mbështesim Luizin. Ka aq shumë dashamirës të Luizit, sa i bezdis edhe një mizë që mund të fluturojë në shtëpi.
Të pyetur se kush mendojnë ata se del ditën e shtunë nga shtëpia, mes Armaldos, Luizit dhe Kristit, të dy thanë emrin e Maestros. Nga ana tjetër ata premtuan se do të ketë shumë surpriza të tjera për Luizin brenda shtëpisë.
Top Channel