Presidenti Bajram Begaj dhe kryeministri Edi Rama kanë uruar të gjithë shqiptarët për Ditën e Verës.
“Gëzuar Ditën e Verës! Uroj që stina me ngjyrat dhe ngrohtësinë e saj, të jetë një burim ripërtëritjeje për çdo shqiptar!”, shkruan Begaj.
Rama uron që ky 14 Mars të nisë me këmbë të mbarë për stinën e re për të gjithë qytetarët.
“MIRËMËNGJES dhe me kënaqësinë që më në fund po çel gjethi, ju uroj një 14 Mars me këmbë të mbarë për stinën e re”, shkruan Rama.
Kurse Kryeparlamentarja Lindita Nikolla në urimin e Ditës së Verës tha se gëzimi i afrimit të stinës së bukur shtohet kur bashkarisht sfidojmë vështirësitë dhe duam më shumë njeri-tjetrin.
“Erdhi Dita e Verës!
Gëzimi i afrimit të stinës së bukur shtohet kur bashkarisht sfidojmë vështirësitë, duam më shumë njeri-tjetrin, u përkushtohemi fëmijëve, mbështesim të moshuarit, ndihmojmë nevojtarët, mundim të keqen, lehtësojmë triumfin e të mirës dhe jetojmë në paqe me njeri-tjetrin, njerëzit që na rrethojnë dhe natyrën. Ju uroj të gjithëve një stinë të bukur, plot jetë e gëzime!”, sipas Nikollës.
Top Channel