Skuadra angleze Manchester United ka regjistruar ndeshjen e dytë radhazi pa fitore në Premierligë.
Pas humbjes turpëruese ndaj Liverpoolit (7:0), skuadra e drejtuar nga Erik ten Hag ndau pikët sot me Southamptonin.
Ndeshja e zhvilluar në stadiumin “Old Trafford” u mbyll baras dhe pa gola.
Vlen të theksohet se “Djajtë e Kuq” ishin me një futbollist më pak nga minuta e 34-të, kur nga ndeshja u përjashtua Casemiro.
Mesfushori brazilian u ndëshkua direkt me karton të kuq, pas rishikimit të rastit me VAR.
Manchester United pas këtij barazimi ka 50 pikë dhe vazhdon të jetë i treti në tabelë.
Southamptoni me 22 pikë është në pozitën e fundit (20).
