Antonio Conte nuk duket se do të jetë edhe shumë gjatë trajner i Tottenhamit, prandaj skuadra angleze është duke punuar për trajnerin e ri. Sipas asaj që raporton gazeta britanike The Athletic, pasues i italianit mund të jetë ish-përzgjedhësi i Kombëtares së Spanjës, Luis Enrique. Fabio Paratici, drejtori i përgjithshëm i klubit, është një fans i ish-trajnerit të Spanjës dhe është i interesuar ta punësonte atë për të nisur një projekt të ri.
Spanjolli është edhe objektivi i Atletico Madrid nëse konfirmohet largimi i Diego Pablo Simeone në verë.
Emra të tjerë që tingëllojnë për të mbërritur në bankinën e skuadrës së Londrës Veriore janë Oliver Glasner (trajneri aktual i Eintracht), Ruben Amorim (trajneri i Sporting) dhe Luciano Spalleti (Napoli).